Se cres que a Semana Santa che vai saber a pouco e estás buscando plans xa para a seguinte, o festival ‘Falando a boca chea’ regresa un ano máis para ofrecer 5 días de entretemento nun homenaxe á narración oral para todas as idades.
Desde o próximo martes 11 de abril e ata o sábado 15, o Forum Metropolitano (Río Monelos, 1) acolle este evento organizado polo Concello a través do Instituto Municipal Coruña Espectaculos e no que a maioría de eventos teñen entrada de balde ata completar aforo.
‘Falando a boca chea’ ten tres tipos espectáculos pensando en todo tipo de público. Desde os máis pequenos con sesións para nenas e nenos de entre 2 e 4 anos, ata outros para máis adultos.
Participan narradores recoñecidos como Cándido Pazó, Celso Fernández Sanmartín, Soldedad Felloza e Atenea García, todos eles dispostos a compartir os seus relatos variados con todos os que se acheguen ao Forum.
Aquí podes consultar o programa completo
Para os espectáculos nos que hai que pagar entrada, os billetes poden retirarse de xeito anticipado por un prezo de 5 euros no Forum, na web ataquilla.com ou no despacho central de billetes da praza de Ourense ata as 23.59 horas do día anterior á función. No propio día, as localidades custarán 7 euros para o público en xeral e 6 euros para maiores de 65 anos, persoas desempregadas ou usuarios do Carné Xove.