Vigo é este 17 de maio o epicentro dos actos conmemorativos do Día das Letras Galegas adicado a Xela Arias, un evento no que se implican numerosas institucións e entidades de toda Galicia para divulgar a súa figura e obra e estender a celebración a todos os recunchos do territorio. A rebeldía, a modernidade, a experimentación e a liberdade foron unha constante na vida e na obra de Xela Arias, una figura que rompeu coas estruturas arcaicas e explotou a linguaxe para construir unah independencia estilística e conceptual aínda moi actual.
As lembranzas e reflexions sobre a figura da homenaxeada suscitan nestes días interesantes pezas de texto. A continuación facemos e enlazamos unha selección:
- Semblanza de Xela Arias por Ana Romaní, membro de número da Real Academia Galega, que lembra as súas verbas: “Pois se me declaro inconforme co mundo, se me declaro contradictoria e filla das miñas contradicións (…) a poesía convérteseme nunha táboa de salvación no naufraxio das razóns estritas. Necesidade que xorde da urxencia por entende-lo humano contraposto, pero tamén, e quizais antes, do descontento coa orde establecida, calquera que sexa” (El Correo Gallego).
- Os diferentes roteiros na vida de Xela Arias en palabras de persoas que se cruzaron no seu camiño. Traballou nas bases normativas do idioma galego nos primeiros oitenta (Europa Press).
- Naceu en Lugo en 1962. Contan que foi o seu pai, escritor, tradutor e durante anos xerente da editorial Galaxia, o que lle inculcou a paixón pola literatura. Pasou os seus primeiros anos na escola Granxa de Barreiros, un proxecto creado por Antonio Fernández López na que a intención era educar na natureza e a cultura galega (El Independiente).
- Arias escribiu letras para o grupo vigués Desertores, que a lembran coma “moi cañera” e coma unha poeta “cruda”. (La Voz de Galicia).
- “Á muller artista que é, ademais, muller no mundo. Xela Arias é, en realidade, esa poeta que, espíndose a si mesma, sinalou que o emperador ía espido para que o entendésemos máis tarde”. A escritora Inma López Silva lembra Tigres coma cabalos, a obra mais transgresora de Arias. (La Voz de Galicia)
- O presidente da Real Academia Galega, Victor Freixanes, reflexiona sobre a importancia de Xela Arias no crecemento editorial nos anos oitenta. (El Correo Gallego)
- Entrevista a Manuel Bragado, antigo director de Xerais editor de “Darío a Diario”, o poemario de Xela Arias (Atlántico Diario)