Xan Xove, candidato da Marea Atlántica á Alcaldía da Coruña, propuxo hoxe a creación no dun servizo municipal de saúde mental destinado a adolescentes e xente moza, no marco dun plan máis amplo destinado a coidar do benestar psicolóxico da veciñanza. “Non podemos seguir ignorando o problema, nin rodeándoo dun muro de silencio. Temos que falar de saúde mental, porque os malestares incrementáronse desde a pandemia. Máis dun 30% das poboación galega cre, segundo o IGE, que a súa saúde mental empeorou desde o confinamento, coa precariedade laboral coma unha das grandes causas. Un 25% dos adolescentes toman psicofármacos. Un 55% da mocidade padece depresión. O tempo de mirar para outra parte rematou”, asegura Xove, que cita un informe de Unicef que dí textualmente:» Dos problemas de saúde mental analizados neste informe de Unicef, a ansiedade e a depresión son os mais comúns entre os adolescentes europeos. No informe estímase que o 54,8% dos adolescentes as padecían».
Xove Xove adquiriu ese compromiso na presentación da xornada Temos que falar de saúde mental, que a Marea Atlántica organizou na sede do Circo de Artesáns e lembrou que a sua formación foi pioneira ao conseguir que o Concello da Coruña vaia contar, por primeira vez na súa historia, cun Plan de Saúde Mental, grazas a que o introducimos na negociación dos Orzamentos 2022. «Xa saíu a licitación e rematarase ao longo deste ano, con medidas coma a creación dun servizo municipal de atención psicolóxica, e a inclusión de profesionais da psicoloxía nos equipos de atención social e nos centros de ensino. Lamentablemente, o goberno de Inés Rey non o impulsou con toda a urxencia que merece, pero iso pode cambiar a partir de maio», apunta a forza que co seu apoio mativo en pé o goberno durante os últimos catro anos, despóis de mandar nos catro anteriores.
“Imos facer da saúde mental un dos eixes do noso programa e do próximo goberno, porque é un asunto crucial, porque a vida non debería doerlle tanto a tanta xente, e porque forma parte das competencias e das incumbencias dun Concello. E unha das primeiras medidas será a creación dun servizo dirixido a adolescentes e mocidade”, confirmou Xan Xove. Este servizo incluirá medidas de sensibilización, divulgación dos problemas de saúde mental e recursos de escoita, atención rápida —presenciais, telefónicos e on-line—. Sumará, tamén, formación permanente para todas as idades, prevención do acoso escolar e o suicidio xuvenil, e un programa de educación en saúde mental e afectivo-sexual, diversidade corporal e funcional.