Carlos Calvelo encabeza a lista do Partido Popular en Arteixo para as eleccións municipais do 2023. O proxecto popular de Arteixo aspira a reeditar o éxito no 2019 e revalidar a maioría absoluta para así completar o proxecto de municipio no que se traballou nos últimos anos.
A campaña electoral dos populares en Arteixo terá como eixo central a transmisión dos avances que Arteixo experimentou nos últimos anos coa posta en marcha de equipamentos como os doce centros sociais construídos, os novos equipamentos deportivos ou a mellora nas comunicacións plasmada na construción de sendas peonís ou na posta en marcha do transporte municipal.
A decisión de multiplicar a inversión educativa no concello será outro dos argumentos que se transmitirán en campaña. Respecto o programa electoral, Carlos Calvelo e o seu equipo teñen preparado un proxecto para presentar na campaña que sirva para que Arteixo experimente nos próximos catro anos un salto de calidade nos seus servizos ao cidadán e se convirta no concello de referencia na comarca coruñesa en canto a calidade das súas infraestruturas e servizos municipais.
Acompañan a Calvelo na lista, entre outros, José María Sánchez, Inés Ramos, Fina Zas, Emilio Maceiras, Patricia Amado, José Manuel Pena, Puri Zas, Víctor Merelas e José Caamaño.